Estudiantes y trabayadores de la Universidá d'Uviéu constitúin una asamblea por Palestina

L'Aula Magna y el patiu del Edificiu Históricu van acoyer delles actividaes reivindicatives.

L'Asamblea UniOvi por Palestina, constituyida por estudiantes y trabayadores de la Universidá d'Uviéu en respuesta al "xenocidiu perpetráu por Israel contra'l pueblu palestín", va entamales mañana dende les 11 hores. En primer llugar va facese una concentración de denuncia nel patiu, pa depués, al meudía, facer la presentación d'esta organización como integrante de la Rede Universitaria por Palestina, de calter estatal.

Francesca Albanese, rellatora especial de la Organicación de Naciones Xuníes (ONX) sobre la situación de los derechos humanos nel territoriu palestín va poner darréu la conferencia 'La universidad ante el genocidio' de manera simultánea en 40 centros de tol Estáu. Pa finar esta xornada reivindicativa, va celebrase dende les 13 hores un alderique cola participación de miembros de l'Asamblea UniOvi por Palestina.

Na semeya, patiu del Edificiu Históricu de la Universidá d'Uviéu, cola entrada a l'Aula Magna al fondu.